Aytən Nazim qızı Hüseynova 1984-cü il iyulun 11-də Göyçay rayonunda anadan olmuşdur. 2000-ci ildə Ali Diplomatiya Kollecinin Sinxron tərcümə (ingilis dili) ixtisasına qəbul olmuş və 2004-cü ildə fərqlənmə diplomu ilə bitirmişdir. 2004-2006-cı ildə Bakı Avrasiya Universitetinin magistratura pilləsində təhsilini davam etdirmişdir. Hal–hazırda Azərbaycan Milli Elmlər Akademiyasının Nəsimi adına Dilçilik İnstitutunun dissertantıdır.

2004-cü ildən Bakı Diplomatiya Universitetində  Rektorun köməkçisi, 2007-ci ildə İcra aparatının rəhbəri, 2008 ci  ildə “I Tərcümə” kafedrasında müdir müavini, 2011-ci ildə Türkoloji araşdırmalar Mərkəzində elmi işçi, “Filologiya” fakültəsində akademik məsləhətçi vəzifələrində işləmişdir.

Ailəlidir, 2 övladı var.

Məmmədov Paşa Fuad oğlu 30 mart 1996-cı ildə Bakı şəhərində anadan olmuşdur. 2013-cü ildə Yasamal rayonu E.Məmmədov adına 21 saylı orta məktəbi bitirmişdir. 2013-cü ildə Sumqayıt Dövlət Universitetinin Filologiya fakültəsi Azərbaycan dili və ədəbiyyatı müəllimliyi ixtisasına daxil olmuşdur. 2017-ci ildə həmin universiteti bitirərək, hərbi xidmətə yollanmışdır. Hərbi xidməti başa vurduqdan sonra Bakı Avrasiya Universiteti Filologiya fakültəsi Azərbaycan dili ixtisası üzrə magistratura təhsili almışdır. 

2023-cü ildən Bakı Avrasiya Kollecində direktor müavini vəzifəsində çalışır. 

Evlidir. 

Əliyeva Həyat Alıkişi qızı 12 mart 1972-ci ildə Göyçay rayonunda anadan olmuşdur. 1989-cu ildə Füzuli şəhər 2 №-li rus orta məktəbi bitirmişdir. 1989-cu ildə M.F.Axundov adına Azərbaycan Pedaqoji Rus dili və ədəbiyyatı İnstitutuna daxil olmuş, 1994-cü ildə bitirmişdir. Həmin il Sumqayıt şəhərində N.Gəncəvi adına Texniki və Təbiət elmləri Liseyində əmək fəaliyyətinə başlamış, 1998-2017-ci illərdə isə Füzuli rayon 7№-li orta məktəbdə pedaqoji fəaliyyətini davam etdirmişdir.

2018-ci ildən Bakı Avrasiya Universitetində Xarici dil və ədəbiyyatı kafedrasında müəllim, 2019-cu ildən Bakı Avrasiya Kollecində tədris şöbəsinin metodisti, 2020-ci ildən tədris şöbəsinin müdir müavini, 2021-ci ildən tədris şöbəsinin  müdir müavini-təcrübə rəhbəri işləmişdir. Hal-hazırda Bakı Avrasiya Kollecində Tədris şöbəsinin müdiri vəzifəsində çalışır.

Ailəlidir. İki övladı var.