8 Noyabr "Zəfər Günü " münasibətilə Bakı Avrasiya Universiteti və Bakı Avrasiya Kolleci ilə birlikdə bayram tədbiri keçirilib.Tədbirdə universitet rəhbərliyi, şəhid ailələri, vətən müharibəsi qaziləri iştirak edib. Mərasimi universitetinin Tədrisin təşkili departamentinin rəhbəri Mənsim Məmmədov açaraq Müzəffər Ali Baş Komandan İlham Əliyevin rəhbərliyi ilə Azərbaycan Ordusunun #44 günlük Vətən müharibəsində möhtəşəm qələbənin təmin olunmasından danışıb və vətən uğrunda şəhid olmuş vətən oğullarının qarşısında baş əydiklərini, onların əziz xatirəsinin heç vaxt qəlblərdən silinməyəcəyini qeyd edib. Daha sonra çıxış edən Regionşünaslıq və iqtisadiyyat fakültəsinin dekanı Mütəllim Rəhimov da öz növbəsində, müharibədə ordumuzla yanaşı sadə vətəndaşlarımızında möhtəşəm həmrəyliyindən danışaraq, bu şərəfli imtahandan alnıaçıq, şərəflə və qürurla çıxan xalqımızıla qürur duyduğunu ifadə etdi.

Sonra Vətən Müharibəsi şəhidi,universitetin İqtisadiyyat fakültəsinin məzunu İsmayılov Vüqarın atası Məhəmməd müəllim çıxış etdi. Çıxışlardan sonra tədbir bədii hissəyə keçid aldı və tələbələrinin ifalarında vətənpərvər mahnılar nümayiş olundu.